Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан полициясе клиентларның акчаларын урлаган ялганчы юристларны эзли
Полиция Казан шәһәре үзәгендәге юридик оешманың ике хезмәткәрен тоткарлаган.
(Казан, 13 декабрь, «Татар-информ»). Татарстан полициясе оешма клиентларының акчаларын урлаган ялганчы юристларны эзли. Бу турыда республика полициясе матбугат хезмәте хәбәр итә.
Агымдагы елның көзендә Казанда яшәүче дүрт кеше полициягә мөрәҗәгать иткән. Алар мошенниклар акчаларын алуы турында сөйләгән. Алар барысы да шәһәр үзәгендәге юридик фирма хезмәтеннән файдаланган.
Шулай ук клиентларга кредит-кулланучылар кооперативына керткән акчаларын алуда, гражданлык алу процессын тизләтүдә һәм автомобиль белән идарә итү хокукын алуда ярдәм итәргә вәгъдә иткәннәр.
Фирма хезмәткәрләре клиентлардан акча алган һәм качкан. Бу фактка карата «Мошенниклык» маддәсе буенча җинаять эше кузгатылган.
Бу эштә шикләнеп, Казанда яшәүче 29 һәм 33 яшьлек ике ир-атны тоткарлаганнар. Полиция хезмәткәрләре оешма корбаннары тагын да күбрәк булган дип уйлый.
Татарстан Эчке эшләр министрлыгы бу затлардан зыян күргән кешеләрне яки алар турында мәгълүмат белүчеләрне (843) 2-912-649, 2-912-645 телефоннары буенча полициягә мөрәҗәгать итүләрен сорый.
Кызыклы яңалыкларны күзәтеп бару өчен Телеграм-каналга язылыгыз