Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Федераль куркынычсызлык хезмәте акчалата күчерүләрне судсыз ун көнгә туктата алачак
Судтан тыш блокировкалауны терроризм һәм экстремизмны финанслау, шул исәптән массакүләм тәртипсезлекләр, наркотикларның законсыз әйләнешен оештыру өчен счетлар һәм карталарның кулланылуы шикләнелгән очракта гамәлгә ашыру күздә тотыла.
(Казан, 13 октябрь, «Татар-информ»). Финанс мониторингы буенча федераль хезмәт (Росфинмониторинг) Эчке эшләр министрлыгына һәм Федераль куркынычсызлык хезмәтенә, шулай ук үзенә судсыз счетларны һәм банк карталарын ун көнгә туктатып тору хокукын бирергә тәкъдим итте. Тиешле закон проекты норматив хокукый актлар проектларының федераль порталында басылып чыкты.
Судтан тыш блокировкалауны терроризм һәм экстремизмны финанслау, шул исәптән массакүләм тәртипсезлекләр оештыру, шулай ук наркотикларның законсыз әйләнешен оештыру өчен счетлар һәм карталарның кулланылуы шикләнелгән очракта гамәлгә ашыру күздә тотыла.
Инициатива авторлары мондый чара бары тик кичектерү мөмкин булмаган очракларда гына кулланылыр дип өметләнә. Шул ук вакытта дәүләт органнары карамагында булган мәгълүматлар «җитәрлек, алдан расланган һәм документлаштырылган» булырга тиеш.
Судтан тыш операцияләр бары тик ун эш көненә кадәр генә туктатылыр дип планлаштырыла. Тыюны бары тик суд карары буенча гына озайтырга мөмкин булачак.
Кызыклы яңалыкларны күзәтеп бару өчен Телеграм-каналга язылыгыз