Әтнәдә кибеттән әйбер урлаучыны видеоязма аша тапканнар

(Әтнә, 13 июль, "Татар-информ", "Әтнә таңы"). Әтнәдә кибеттән әйбер урлаучыны видеоязма аша тапканнар, дип яза район газетасы

Каракларның берсе “Магнит” кибетеннән бер ярты аракы алырга уйлый. Акча түләп түгел, билгеле. Полиция бүлеге хезмәткәрләре видеоязманы караганнан соң, каракның эзенә тиз төшәләр. “Ул административ хокук бозулар турындагы законның 7.27 маддәсе нигезендә, җаваплылыкка тартылачак, - дип хәбәр итә Эчке эшләр бүлегенең участок инспекторлары җитәкчесе Фәнис Низамиев.