news_header_top_970_100
16+
news_header_bot_970_100

Әлмәттә эшченең өстенә бетон плитә җимерелеп төшкән, ир-ат һәлак булган

Фаҗига бүген иртән элеккеге автотранспорт предприятиесе территориясендә булган.

Әлмәттә эшченең өстенә бетон плитә җимерелеп төшкән, ир-ат һәлак булган
Россия Гадәттән тыш хәлләр министрлыгының Татарстан буенча идарәсе матбугат хезмәте

(Казан, 13 апрель, «Татар-информ», Полина Шевчук). Әлмәттә элеккеге автотранспорт предприятиесе бинасында эшченең өстенә бетон плитә җимерелеп төшкән, ир-ат һәлак булган.

Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Бүген 8.40 сәгатьтә Сургут урамындагы элеккеге автотранспорт предприятиесе бинасында, бетон плитә җимерелеп, аның астында бер ир-атның кысылып калуы хакында хәбәр килгән. Эшчеләр аңа ярдәм итәргә теләсә дә, тырышлыклары бушка киткән.

Урында ачыкланганча, ир-ат перфоратор белән түшәмнең бетон плитәсендә тишекләр ясаган. Кайсыдыр мизгелдә плитә җимерелеп төшкән һәм эшче шуның астында кысылып калган. Алган җәрәхәтләрдән 28 яшьлек ир-ат шунда ук һәлак булган.

65нче янгын-коткару часте һәм 7нче зона янгын-коткару отряды хезмәткәрләре, ир-атны плитә астыннан алып, полицейскийларга тапшырган. Фаҗиганең сәбәпләре ачыклана.

autoscroll_news_right_240_400_1
autoscroll_news_right_240_400_2
news_bot_970_100