Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиянең һәм Татарстанның халык артисты Нәҗибә Ихсанова вафат
Камал театры коллективы мәрхүмәнең туганнарының кайгысын уртаклаша.
(Казан, 13 март, «Татар-информ»). Бүген Камал театры Россиянең һәм Татарстанның халык артисты, Татарстанның Тукай исемендәге Дәүләт бүләге лауреаты Нәҗибә Ихсанова вафат булуын хәбәр итте.
Галиәсгар Камал исемендәге Татар дәүләт Академия театры коллективы якыннарының, туганнарының тирән кайгысын уртаклаша. «Ходай сезгә тирән хәсрәтегезне күтәрә алырдай көч, сабырлык бирсен! Җаны тыныч, урыны җәннәттә булсын», диелә бу хәбәрдә.
Кайгылы хәбәрне Нәҗибә Ихсанованың кызы Әлфия Миңнуллина-Юнысова да раслады.
Танылган актрисага 83 яшь иде.
Хушлашу мәрәсиме 15 мартта (дүшәмбе) 11.00 сәгатьтә Камал театры каршындагы мәйданда була, дип хәбәр итте театрның матбугат хезмәте.
Ихсанова Нәҗибә Гыймай кызы - Татарстанның һәм Россиянең халык артисты (1982, 2000), Татарстанның Г.абдулла исемендәге Дәүләт бүләге лауреаты (1998).
Ул 1938 елның 25 гыйнварында Татарстанның Азнакай районы Буралы авылында туа. 1961 елда Мәскәүдә Щепкин исемендәге Югары театр училищесын (татар студиясе) тәмамлый һәм Татар академия театрында эшли башлый. Төрле пландагы күпкырлы төп рольләрдә уйнаучы көчле темпераментка ия булган танылган талантлы артистка.
Кызыклы яңалыкларны күзәтеп бару өчен Телеграм-каналга язылыгыз