Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда яшәүче кер юа торган машина өчен аферистка акча күчергән
«Мошенниклык» маддәсе буенча җинаять эше кузгатылган.
(Казан, 13 январь, «Татар-информ»). Казанда ике кеше 20 тартма кәгазь һәм кер юа торган машина өчен аферистка акча күчергән. Бу турыда «Татар-информ» агентлыгына Россия Эчке эшләр министрлыгының Казан буенча идарәсе матбугат хезмәтендә хәбәр иттеләр.
Декабрь азагында Казанда яшәүче 34 яшьлек ир-ат полициягә мөрәҗәгать иткән. Ир-ат интернетта 20 тартма кәгазь сатылу турында игълан тапкан. Ул сатучы белән элемтәгә кергән һәм аңа 20 мең сум акча күчергән. Әмма ул кәгазьне алмаган, ә сатучы элемтәгә чыгудан туктаган.
Берничә көннән тәртип сагы хезмәткәрләренә 53 яшьлек ир-ат мөрәҗәгать иткән. Бу юлы Казанда яшәүче кер юа торган машина сатучы билгесез кешегә 16 мең сум акча күчергән. Беренче очрактагы кебек, сатучы акча алгач та элемтәгә чыгудан туктаган.
Полиция аферист хатынның шәхесен ачыклаган. Ул Казанда яшәүче 38 яшьлек хатын-кыз булган. Аңа «Мошенниклык» маддәсе буенча җинаять эше кузгатылган.
Кызыклы яңалыкларны күзәтеп бару өчен Телеграм-каналга язылыгыз