Татарстанда фура белән җиңел машина катнашындагы һәлакәттә ике кешенең гомере өзелгән
Авария бүген көндез Алабуга — Ижевск юлында Тойма торак пункты янында булган.
Скопировать ссылку
(Казан, 13 гыйнвар, «Татар-информ», Полина Шевчук). Татарстанда фура белән җиңел машина катнашындагы һәлакәттә ике кешенең гомере өзелгән. Бу хакта юл-транспорт һаләкәте шаһитлары хәбәр итә.
Һәлакәт шаһитлары сүзләренчә, бүген көндез Алабуга — Ижевск юлында Тойма торак пункты янында «Скания» йөк машинасы белән «Пежо» җиңел машинасы бәрелешкән.
«Авария урынында ике кеше һәлак булган. Ике кешене төрле җәрәхәтләр белән ашыгыч ярдәм машинасында хастаханәгә алып киттеләр», — дип ачыклык кертте фаҗига шаһитлары.
Һәлакәтнең килеп чыгу сәбәпләре ачыклана.