Зәй районы юлларында “Тоннель” операциясе үткәрү дәвам итә

Ул юлларда төрле хокук бозуларны булдырмау максатын үз эченә ала.

(Зәй, 12 май, "Татар-информ", "Зәй офыклары", Энҗе Эгъләмова).  Зәй районы юлларында “Тоннель” операциясе үткәрү дәвам итә. Ул юлларда төрле хокук бозуларны булдырмау максатын үз эченә ала, дип яза район газетасы.

Автоинспекторлар постлары төрле урыннарда эшли, алар һәр транспорт чарасын туктатып тикшерү, күзәтү эшләре алып бара. Операция кысаларында машина йөртүчеләргә беркетмәләр төзү, кайбер автомобильләрне штраф стоянкага озату булып тора.

“Мондый чаралар үткәрү нәтиҗәсез калмый, бер хокук бозып тотылгач, машина йөртүче икенче кат аннан сакланырга тырыша, ә бу исә юлларда имин йөрүгә китерә”, - ди ЮХИДИның юл-патруль сагы командиры Рөстәм Биктаһиров.