Яңа Чишмә районында юл һәлакәтендә хатын-кыз һәм 11 яшьлек бала имгәнгән

Казан-Оренбург трассасының 180 нче километрында ике автомобиль бәрелешкән.

(Казан, 12 февраль, “Татар-информ”). Казан-Оренбург трассасының 180 нче километрында ике автомобиль бәрелешкән. Бу турыда “Татар-информ”га Татарстанның Гадәттән тыш хәлләр министрлыгы матбугат хезмәтеннән хәбәр иттеләр.

Кичә кич “Рено” белән “Тойота» бәрелешкән. Нәтиҗәдә 43 яшьлек хатын һәм 11 яшьлек кыз бала имгәнгән.

Һәлакәт урынында Зирекле авылы янгын сүндерүчеләре, табиблар һәм полиция хезмәткәрләре эшләгән.