Татарстан җирендә унбер көндә уналты кеше юк булган

(Казан, 12 гыйнвар, “Татар-информ”). Быел гыйнварның 11 көнендә Татарстан территориясендәге юлларда кешеләргә шәхси бәла-каза китергән 78 транспорт һәлакәте булган. Шулар нәтиҗәсендә, 16 кешенең гомере өзелгән, 130ының тәне төрле дәрәҗәдә зыян күргән.

Шул хакта “Татар-информ” агентлыгына белешмә биргән республика ЮХИДИ идарәсе статистикасыннан күренгәнчә, транспорт һәлакәтләренең 26сы Казан “өлешенә” туры килә: аларда 1 кеше үлгән, 39ы имгәнгән, җәрәхәтләнгән.