ЮХИДИ Казанда ике яшьлек баланы бәрдергән шоферны эзли

Машина йөртүче баланы бәрдергәч, шунда ук юл-транспорт һәлакәте урынын ташлап китә.

(Казан, 11 ноябрь, «Татар-информ»). ЮХИДИ Казанда ике яшьлек баланы бәрдергән шоферны эзли. Бу хакта Казан Дәүләт автоинспекциясе хәбәр итә.

Кичә кич белән Адоратский урамындагы ишегалдында чит ил автомобиле руле артында утырган билгесез машина йөртүче ике яшьлек баланы бәрдерә, шуннан соң ук юл-транспорт һәлакәте урынын ташлап китә.

Һәлакәттә баланың аягы имгәнгән.

Казан дәүләт автоинспекциясе бу очрак шаһитларыннан (843) 5 333 819 яки (843) 5 333 848 телефонына мөрәҗәгать итүләрен сорый.