Казанның Идел буе һәм Вахитов районнары хәрби комиссары вафат

Казан мэриясе мәрхүмнең якыннарының һәм туганнарының кайгысын уртаклаша.

(Казан, 11 ноябрь, «Татар-информ»). Казанның Идел буе һәм Вахитов районнары хәрби комиссары Шамил Ханнанов вафат булган. Бу турыда Казан мэриясенең матбугат хезмәте хәбәр итте.

«Казан шәһәре мэриясе, Казанның Идел буе һәм Вахитов районнары хәрби комиссары Ханнанов Шамил Камил улының арабыздан китүенә бәйле, туганнары һәм якыннарының тирән кайгысын уртаклаша», диелә хәбәрдә.

Шамил Ханнановка 64 яшь иде, аның үлеменең сәбәбе әйтелмәгән.