Бөгелмәдә 16 яшьлек кыз бала югалган

Үсмер югалган көнне үк кызның әти-әнисе полициягә мөрәҗәгать иткән.

(Казан, 11 ноябрь, «Татар-информ»). Бөгелмәдә 16 яшьлек кызны туганнары һәм полиция эзли. Бу хакта ТР буенча Эчке эшләр министрлыгының матбугат хезмәтендә сөйләделәр.

Кичә Бөгелмәдә 16 яшьлек Латыйпова Лилия Фәнис кызы югалган. 10 ноябрьдә ул билгесез юнәлештә чыгып киткән һәм бүтән күренмәгән. Шул ук көнне кызның әти-әнисе полициягә мөрәҗәгать иткән.

Кызның буе 160 сантиметр тирәсе, аксыл чәчле, күзләре зәңгәр. Ул кара куртка һәм кара джинса чалбар кигән, аякларында кара кроссовкалар, диелгән хәбәрдә.