Казанда йорт козырегына егылып төшкән кызны коткарганнар

Зыян күргән 20 яшьлек кызны, носилкада аска алып төшеп, ашыгыч ярдәм табибларына тапшырганнар.

(Казан, 11 август, «Татар-информ», Полина Шевчук). Казанда йорт козырегына егылып төшкән кызны коткарганнар. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

Кичә төштән соң 112 бердәм номерына Сибгат Хәким урамындагы 31нче йортта бер кызның йорт козырегына егылып төшүе турында хәбәр килгән.

Чакыру буенча килгән 2нче зона янгын-коткару отряды хезмәткәрләре зыян күргән 20 яшьлек кызны, носилкада аска алып төшеп, ашыгыч ярдәм табибларына тапшырган.