Кайбыч районында өч кеше утырган чит ил машинасы агачка килеп бәрелгән

Һәлакәт Олы Подберезье авылында булган.

(Казан, 11 август, «Татар-информ»). Кайбыч районында өч кеше утырган чит ил машинасы агачка килеп бәрелгән. Бу турыда юл-транспорт һәлакәте шаһитлары хәбәр итте.

«Һәлакәт бүген 5.00 сәгатьтә Олы Подберезье авылында булган. Киров урамында «Тойота» автомобиле юлдан чыгып китеп, агачка бәрелгән», – дип сөйләде һәлакәт шаһитлары.

Нәтиҗәдә чит ил машинасына утырган ике хатын-кыз һәм ир-ат хастаханәгә озатылган. Машина йөртүче зыян күрмәгән.