Атыш булган Казан мәктәбендә хәвеф төймәсенә яралы вахтер басарга өлгергән

12 май көнне барлык мәктәпләрдә дә дәресләрне гамәлдән чыгардылар, бу көн Татарстанда матәм көне дип игълан ителде.

(Казан, 11 май, «Татар-информ»). Бүген Казанның 175нче мәктәбендә һөҗүм вакытында вахтер һәм мәктәпнең тагын бер хезмәткәре хәвеф төймәсенә баскан.

Элегрәк «Татар-информ» Казанның 175нче мәктәбендә атыш булганлыгын хәбәр иткән иде. Җиде бала һәм ике олы кеше һәлак булды. Тагын 21 кеше хастаханәдә. Зыян күрүчеләрнең күбесе - балалар. Күбесе бик авыр хәлдә.

ТР Президенты Рөстәм Миңнеханов фаҗигадән соң мәктәптә булды. 12 май көнне барлык мәктәпләрдә дә дәресләрне гамәлдән чыгардылар, бу көн Татарстанда матәм көне дип игълан ителде.