175нче мәктәптәге атышта «Гаилә» мәчете имамы Рөстәм Хәйруллинның баласы яраланган

Хәзерге вакытта аңа операция ясыйлар.

(Казан, 11 май, «Татар-информ»). Бүген Казанның 175 нче мәктәбендәге атышта шәһәрнең Совет районы мөхтәсибәтенең «Гаилә» мәчете имам-хатыйбы Рөстәм хәзрәт Хәйруллинның баласы яраланган.

Бу хакта «Интертат» сайтына билгеле булды.

Балаларның кечкенәсе 3нче сыйныфта, зурысы 8нче сыйныфта укыган.

«Хәзер бала госпитальдә, операция ясыйлар. Шартлау нәтиҗәсендә кабыргаларына кыйпылчыклар кергән», — дип сөйләде Рөстәм хәзрәт.

Соңгы мәгълүматлар буенча, Казанның 175 нче гимназиясендәге атышта сигез кеше һәлак булды, 21 кешене хастаханәгә алып киттеләр.