Башкортстанда быел 800 талпан кадалу очрагы теркәлгән

Узган ел бу сан 262 булган.

(Казан, 11 май, "Татар-инофрм"). Быел Башкортстанда 801 кеше талпан кадалу очрагы белән медицина оешмаларына мөрәҗәгать иткән. Бу хакта “Башинформ” агентлыгы яза.

  • Узган ел бу вакытта мондый мөрәҗәгатьләр саны 262 булган.

Төбәкнең Роспотребнадзор мәгълүматлары буенча, быелның 11 мартыннан башлап, талпан кадалу очраклары буенча халыкның медицина оешмаларына мөрәҗәгатьләрен тикшерәләр. Шулай ук профилактик һәм эпидемиягә каршы чаралар уздырыла. Бу чаралар талпаннар аркылы күчә торган инфекцияләрне кисәтү максатыннан эшләнә.