Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Коллыктан коткарылган ир-ат Казанда яшәргә калачак
Аның белән бергә волонтерлар тагын берничә кешене коллыктан коткарган, аларны өйләренә кайтарачаклар.
(Казан, 11 гыйнвар, «Татар-информ», Елена Саляхова). Коллыктан коткарылган Дима исемле ир-ат Казанда яшәргә калачак. Бу турыда «Татар-информ» агентлыгына «Душа России» хәйрия фонды җитәкчесе Юлия Хәкимова хәбәр итте.
«Димага яхшы адвокат тапканнар. Ул коллыкта булган ир-атның мәнфәгатьләрен кайгыртачак. Социаль хезмәткәрләр аңа документлар әзерли. Аны интернатка билгеләү мәьәләсе әле хәл ителмәгән. Дима мөстәкыйль кеше. Мөгаен, ул үзе дә яши алыр», — диде Юлия Хәкимова.
Аның сөйләвенчә, инвалид ир-ат белән бергә тагын берничә кеше коллыктан коткарылган. Аларны кире өйләренә, туганнарына кайтарачаклар. Әмма Дима Казанда калачак, аның якыннары юк.
«Татар-информ» агентлыгы хәбәр иткәнчә, Казанда инвалидны коллыкта тоткан ике чит ил кешесенә җинаять эше кузгатылган.
Кайчандыр Диманы урлаганнар һәм «Мега» сәүдә үзәге янында хәер сорарга мәҗбүр иткәннәр. Волонтер Юлия Хәкимова инвалидны юлдан алган. Соңыннан «хуҗалар» аңа яный башлаган.
Россия Эчке эшләр министрлыгының Казан буенча идарәсе матбугат хезмәтендә хәбәр итүләренчә, җинаятьчеләр - абыйлы-сеңелле Молдовия кешеләре. Алар Казанга акча эшләргә килгән. Җинаятьчеләрне эзләү бүлеге хезмәткәрләре аларның икесен дә тоткарлаган.
Кызыклы яңалыкларны күзәтеп бару өчен Телеграм-каналга язылыгыз