Чаллыда ут капкан фатирдан төтен белән агуланган хатын-кызны коткарганнар
Кичә кич Гадәттән тыш хәлләр министрлыгына Яңа шәһәрдәге бер йортта янгын чыгуы турында хәбәр килгән.
Скопировать ссылку
(Казан, 10 декабрь, «Татар-информ»). Чаллыда ут капкан фатирдан төтен белән агуланган хатын-кызны коткарганнар. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Кичә кич Гадәттән тыш хәлләр министрлыгына Яңа шәһәрдәге бер йортта янгын чыгуы турында хәбәр килгән.
Урынга 56нчы янгын-коткару часте, полиция хезмәткәрләре һәм табиблар юл тоткан.
Төтен белән агуланган 46 яшьлек хатын-кызны хастаханәгә озатканнар.
