Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда яна башлаган ташландык йорттан дүрт сукбай чыгып котылган
Декабристлар урамындагы ике катлы бинаның бер бүлмәсенә ут капкан.
(Казан, 10 ноябрь, «Татар-информ»). Казанда ут капкан ташландык йорттан дүрт сукбай чыгып котыла алган. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә сөйләделәр.
Бүген кичен сәгать җиделәр тирәсендә ашыгыч хезмәтләрне бердәм чакыру өчен 112 номерына Декабристлар урамында ташландык бина януы турында хәбәр килгән. Йортның икенче катындагы бүлмәләрнең берсендә әйберләр һәм чүп-чар янган.
Урынга янгын сүндерүчеләр килгәндә, дүрт сукбай ир-ат бинадан үзләре чыккан булган инде. Аларга табиб яки янгын сүндерүчеләр ярдәме таләп ителмәгән. Янгын сүндерүчеләр тиз арада утны сүндергән. Янгын чыгу сәбәбе ачыклана.
Кызыклы яңалыкларны күзәтеп бару өчен Телеграм-каналга язылыгыз