Зәйдә 924 литр эчемлек әйләнештән алынган

 (Казан, 10 ноябрь, “Татар-информ”). Республика дәүләт алкоголь инспекциясенең Түбән Кама территориаль бүлеге мәгълүматы буенча, 26 октябрьдән 1 ноябрьгә кадәр Зәй районы территориясендә, алкоголь эчемлекләр әйләнешенә контрольлек итү максатында, 5 сәүдә ноктасында тикшерүләр үткәрелгән, шуларның 2сендә кайбер төгәлсезлекләр ачыкланган.

Бу вакытта районда законсыз яки сыйфатсыз алкогольле эчемлекләр әйләнеше ачыкланмаган. Ә менә ел башыннан 924 литр спиртлы эчемлек әйләнештән алынган, дип яза “Зәй офыклары” газетасы.