Чаллыда товар поезды тимер юл янында утырган хатын-кызны бәрдергән
Зыян күрүченең умыртка баганасы һәм боты сынган, шулай ук башы авыр җәрәхәтләнгән, аны аңсыз килеш хастаханәгә китергәннәр.
Скопировать ссылку
(Казан, 10 октябрь, «Татар-информ», Полина Шевчук). Чаллыда товар поезды тимер юл янында утырган хатын-кызны бәрдергән. Бу турыда «Татар-информ» агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Бүген Чаллы-Тихоново тимер юлының 183нче чакрымында товар поезды локомативы тимер юл янында утырган хатын-кызны эләктереп алып киткән.
Зыян күрүченең умытка баганасы һәм боты сынган, шулай ук башы имгәнгән, аны аңсыз килеш хастаханәгә китергәннәр. Аның шәхесен ачыклыйлар.
