Әлмәттә «Оазис» мунча комплексында янгын чыккан

(Казан, 10 октябрь, «Татар-информ»). Әлмәттә мунча комплексында янгын чыккан. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Гафиятуллин урамындагы «Оазис» сәламәтләндерү үзәгендә янгын турындагы мәгълүмат Гадәттән тыш хәлләр министрлыгына 20 минут элек килде. Урынга икенче ранг буенча янгын сүндерү һәм коткару гарнизонының җирле бүлекчәләре чыкты», - дип хәбәр иттеләр министрлыкта.

Янгын комплексның бер саунасында булуы ачыкланды. 

Гарнизон хезмәткәрләре тиз арада янгынны сүндерде.