Сочи үзәгендә, йорт җимерелеп, олы яшьтәге хатын-кыз һәлак булган

Йорт барак тибында, авария хәлендә булган. Җимерелүнең сәбәпләре ачыклана.

(Казан, 10 июль, «Татар-информ»). Сочиның Үзәк районының Виноградлы урамында торак йортның бер өлеше җимерелгән, дип хәбәр иткәннәр "Интерфакс" агентлыгына Россия Гадәттән тыш хәлләр министрлыгының Көньяк төбәк эзләү-коткару төркеме матбугат хезмәтеннән.

"Җимерелгән йорт өлешендә 65 яшьлек хатын-кызның гомере өзелгән. Йорт барак тибында, авария хәлендә булган", - дип белдергәннәр матбугат хезмәтеннән.

Урында гадәттән тыш хәлләр һәм Россия тикшерү комитеты хезмәткәрләре эшли. Җимерелүнең сәбәпләре ачыклана.