Мәскәүнең РИО сәүдә үзәгендә чыккан янгында 14 кеше зыян күргән

(Казан, 10 июль, «Татар-информ»). Мәскәүдә Дмитров шоссесында сәүдә үзәгендә янгын чыккан, кешеләрне эвакуциялиләр, дип хәбәр итә «Интерфакс».

Мәскәү буенча Россия Гадәттә тыш министрлыгының Баш идарәсе Кризис хәлләре белән идарә үзәгенең оператив кизү сменасына бүген 17.39 сәгатьтә Дмитров шоссесы 163А йортының 1 корпусында төтен чыкканлыгы хакында хәбәр килеп ирешкән. Бу адрес буенча РИО сәүдә үзәге урнашкан. Янгын икенче катта килеп чыккан, текстиль продукция яна. Куе төтенләү төтенне бетерү системасы эшләмәү нәтиҗәсендә барлыкка килгән. Янгынга катлаулылык буенча дүртенче дәрәҗә бирелгән.

Урында Гадәттән тыш хәлләр министрлыгының 80 хезмәткәре эшли. Янгын вакытында зыян күрүчеләр саны 14 кешегә җиткән, дип хәбәр итә «Известия»