Әлмәттә янгын чыккан йорттан ике кешене коткарганнар
Янгын бүген иртән Чехов урамындагы йорт подвалында чыккан.
(Казан, 10 апрель, «Татар-информ», Полина Шевчук). Әлмәттә ике катлы йорт подвалында янгын чыккан. Ике кешене коткарганнар.
«Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр итүләренчә, бүген 6.30 сәгатьтә 101 янгын сагына Чехов урамындагы 40нчы йорттан төтен чыгуы турында хәбәр килгән.
Янгын сүндерүчеләр бу йортта яшәүче ике кешегә махсус битлек кидереп, урамга алып чыккан.
Йортны тикшергәннән соң ачыкланганча, подвалда чүп-чар янган булган.
Янгын сүндерүчеләр йорт подъездындагы төтенне бетерү өчен махсус техника кулланган.Алар 6.39 сәгатьтә 6 кв. метр мәйдандагы янгынны сүндергән.
Зыян күрүчеләр юк. Янгын чыгу сәбәбе ачыклыйлар.
