Уфада УМПО цехы җитәкчесенә атканнар

(Казан, 10 март, «Татар-информ»). Уфа шәһәрендә хезмәткәр Уфа мотор төзелеше җитештерү берләшмәсе цехы җитәкчесенә пистолеттан аткан. Бу хакта «Башкортстан» ДТРК хәбәр итә.

Бу хәл 8 март көнне булган. Ир-ат берничә тапкыр машинага, ә аннары җитәкчесенең аягына аткан.

Зыян күрүченең мөрәҗәгатеннән соң тикшерү үткәрелә, җинаять эше кузгатылган.

«Россия Федерациясе Җинаять кодексының 115 маддәсе буенча җинаять эше кузгатылды. Травматик пистолет алынган, вакыйга билгеләре ачыклана», — дип хәбәр иттеләр Башкортстан буенча Эчке эшләр министрлыгы матбугат хезмәтендә.

Узган елның июлендә Уфада УМПОның топ-менеджерын үле килеш тапканнар. Предприятиенең коммерция директоры урынбасары Юрий Яшинны урлаган булганнар. Икенче көнне үк көч кулланган үлем билгеләре белән 57 яшьлек ир-атның мәетен Агыйдел елгасы аша күпер астында тапканнар