Татарстанда шәхси йортта чыккан янгында ир-атның гомере өзелгән
Янгын Тәтеш районының Бисәр авылында бер шәхси йортта чыккан.
Скопировать ссылку
(Казан, 9 ноябрь, «Татар-информ»). Татарстанда шәхси йортта чыккан янгында ир-атның гомере өзелгән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Кичә кичке тугызынчы яртыда 112 бердәм номерына Бисәр авылында шәхси агач йортта янгын чыгуы хакында хәбәр килгән.
Янгын сүндерүчеләр йортны тикшергән вакытта ир-ат мәетенә тап булган. Хәзерге вакытта аның шәхесе ачыклана.
Кичке уннарда янгынны тулысынча сүндергәннәр. Хәзер аның сәбәпләрен ачыклыйлар.
