Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әфганстан татарлары отрядлары радикалларны үз территорияләренә кертми
Россия мөселманнары хәйрия патриотик фонды бу көннәрдә Әфганстандагы татар җәмәгатьчелеге вәкилләренә медицина препаратлары һәм бәйләү чаралары тапшырды.
(Казан, 9 июль, «Татар-информ», Дмитрий Киселев). Әфганстанның төньяк провинцияләрендә, нигездә, әфган татарлары яшәгән өлкәләрдә, хөкүмәт көчләре һәм боевиклар арасында сугыш бара. Моннан тыш, радикаль агымдагы хәрби төркемнәр активлашкан. Әфганстан татар җәмгыяте үз территорияләрен саклау өчен отрядлар оештырды, дип сөйләде «Татар-информ» мәгълүмат агентлыгы корреспондентына шундый бер отряд командиры.
«Минем отрядта 350дән артык солдат бар, күбесе татарлар. Без Саманган провинциясе чикләрендә торабыз, көрәштә безгә махсус миссия йөкләнгәнен аңлыйбыз. Аларның максаты — бөтендөнья радикаль халифәте», — диде ул.
Командир «террористик куркыныч Россиягә дә янавын аңлыйбыз», ди. «Ә анда безнең өлкән туган — Татарстан, безнең ватандашлар, без аларны яратабыз һәм хөрмәт итәбез. Һәм, әлбәттә, бу радикаль чир шунда үтеп кермәсен өчен, без бөтен көчебезне куячакбыз. Татарстандагы туганнарыбызны безнең өчен һәм һәлак булган солдатларның рухы өчен дога кылуын сорыйбыз», — диде ул.
Казанда һәм Кабулда вәкиллекләре булган Россия мөселманнары хәйрия патриотик фонды бу көннәрдә Әфганстандагы татар җәмәгатьчелеге вәкилләренә медицина препаратлары һәм бәйләү чаралары тапшырды. Бу әйберләр аларга хәзер бик кирәк һәм җитешми.
«Кызганыч, Әфганстан 40 елдан артык сугыш хәләтендә яши. Шуңа да карамастан, Әфганстанның зур төбәкләре имин тормышта. Инфраструктура проектлары тормышка ашырыла — юллар, буалар, күперләр, энергетика объектлары төзелеше бара. Сәүдә-икътисади эшчәнлек үсә», — ди Россия мөселманнарының хәйрия патриотик фонды генераль директоры Рөстәм Хәбибуллин.
Ул массакүләм мәгълүмат чараларында хәзерге вакытта Әфганстанда барган хәлләрне яктырту турында борчыла. «Чынбарлыктан ерак мәгълүмат күп бирелә. Массакүләм мәгълүмат чаралары тикшерелгән мәгълүматны гына чыгарырга, үз материаллары өчен җаваплы булырга тиеш», — диде Рөстәм Хәбибуллин.
- «Интертат» сайтында Әфганстандагы вакыйгаларга күзәтү чыкты. «Әфганстанны беркемнең дә җиңгәне юк»: АКШ әфганнан китә, Россия сөйләшүләр башлады.
Кызыклы яңалыкларны күзәтеп бару өчен Телеграм-каналга язылыгыз