Биектау районының Тимофеевка бистәсендә бердәнбер чыгу юлын су баскан

Хәзер бистәдә махсус техника эшли.

(Казан, 9 апрель, «Татар-информ», Павел Климчак). Бүген социаль челтәрләрдә Татарстан Биектау районының Тимофеевка бистәсе янындагы күперне су баскан видео чыкты.

Шаһитлар сүзләренчә, бу күпер бистәгә керү һәм чыгу өчен бердәнбер юл. Видеода күренгәнчә, урында махсус техника эшли башлаган.

Бистәдәге кибеткә азык-төлек китерелә. Бистәдә яшәүчеләр әлегә ерак түгел урнашкан җәяүлеләр күпереннән йөри ала.