Казан-Малмыж юлында юл-транспорт һәлакәтендә алты кеше имгәнгән
Татарстанның Биектау районының 43нче чакрымында «Форд Фокус» белән «Рено Логан» автомобильләре бәрелешкән.
Скопировать ссылку
(Казан, 9 февраль, «Татар-информ»). Казан-Малмыж юлында юл-транспорт һәлакәтендә алты кеше зыян күргән. Бу хакта юл һәлакәте шаһитлары хәбәр итә.
Татарстанның Биектау районы юлының 43нче чакрымында «Форд Фокус» белән «Рено Логан» автомобильләре кара-каршы бәрелешкән.
Һәлакәттә 29, 55 һәм 59 яшьлек ир-атлар һәм 20,23 һәм 25 яшьлек хатын-кызлар имгәнгән.
