Татарстан юлында булган авариядә тагын бер кеше үлгән
Хастаханәдә «Соболь» микроавтобусы йөртүчесе авыр җәрәхәтләрдән вафат булган.
Скопировать ссылку
(Казан, 8 декабрь, «Татар-информ»). Татарстанда внедорожник һәм микроавтобус авариясендә зыян күргән тагын бер кеше вафат булган.
Бүген иртәнге унынчы яртыда Югары Ослан районында трассада «УАЗ Патриот» һәм «ГАЗ Соболь» бәрелешкән. Элегрәк «Татар-информ» внедорожник каршы як полосага чыгып, микроавтобус белән капма-каршы бәрелешкәнлеген хәбәр иткән иде.
«УАЗ»ның 72 яшьлек шоферы авария урынында вафат булган, икенче шоферны һәм микроавтобусның өч пассажирын Казанның 7нче хастаханәсенә озатканнар.
Берничә сәгатьтән соң «Соболь»ның 57 яшьлек шоферы да авыр җәрәхәтләрдән үлгән.