Лаеш районында юл кырыена төшеп әйләнгән машинаның йөртүчесе һәлак булган

Бүген иртән Столбище-Атабай трассасының 17нче чакрымында үлем очрагы белән һәлакәт булды.

(Казан, 8 декабрь, «Татар-информ»). Лаеш районында иномарка юл кырыена төшеп китеп әйләнгән, шофер шунда ук үлгән. Бу хакта Татарстан буенча Эчке эшләр министрлыгы матбугат хезмәтендә хәбәр иттеләр.

Бүген иртән Столбище-Атабай трассасының 17нче чакрымында «Тойота» йөртүчесе тизлекне арттырып, каршы як полосага чыккан. Шуннан ул юл кырыена төшеп киткән.

Алынган җәрәхәтләрдән ир-ат табиблар килгәнче үлгән.

Авария урынында ЮХИДИ хезмәткәрләре эшли.