Татарстанда ике машина кара-каршы бәрелешкәннән соң, йөртүчене хастаханәгә озатканнар
Юл-транспорт һәлакәте Минзәлә районында Тулыбай авылы борылышында булган.
Скопировать ссылку
(Казан, 8 ноябрь, «Татар-информ»). Татарстанның Минзәлә районында кичә кичке дүрт тирәсендә ике машина кара-каршы бәрелешә. Бер машинаның йөртүчесен хастаханәгә алып киткәннәр. Бу турыда авария шаһитлары хәбәр итә.
Кичә 16.00 сәгать тирәсендә Минзәлә районында Тулыбай авылы янында 12нче һәм 14нче модельле автомобиль кара-каршы бәрелешкән.
Йөртүчеләрнең берсе Чаллы хастаханәсенә китерелгән. Ул төрле имгәнүләр алган һәм аяк балтыры сынган.