Хәвеф-хәтәр 8 октябрь 2020 21:07

Прокуратура 11 яшьлек кызын мыскыллаган һәм кыйнап торган гаиләне тикшерә

Баланы гаиләдән алганнар — хәзер ул «Забота» социаль приютында яши.

Скопировать ссылку

(Казан, 8 октябрь, «Татар-информ»). Прокуратура Алексеевск районында 11 яшьлек кызын мыскыллаган һәм кыйнап торган гаиләне тикшерә. Бу хакта «Татар-информ»га Татарстан прокурорының өлкән ярдәмчесе Руслан Галиев хәбәр итте.

Марттан башлап сентябрьгә кадәр Левашово авылында яшәүче хатын-кыз даими рәвештә үз кызын мыскыллап һәм кыйнап торган. Хатын-кыз бер җирдә дә эшләми һәм имин булмаган ата-аналар исемлегенә исәптә тора.

Кызны гаиләдән алып киткәннәр — ул хәзер «Забота» социаль приютында яши.

Прокуратура ни сәбәпле гаиләдә баланың хокуклары бозылуны тикшерә. Опека органнары һәм профилактика системасы да ведомство игътибарына эләккән.

Агентлыкка билгеле булганча, «Газаплау» маддәсе буенча җинаять эше ачылган. Прокуратура аны үз контроленә алган.

Сәхифәләр

Прокуратура 11 яшьлек кызын мыскыллаган һәм кыйнап торган гаиләне тикшерә