Казан эстафетаны Балтачтан алган – ММЧ

Биредә сүз банкоматларга һөҗүм турында бара

 (Казан, 8 сентябрь, “Татар-информ”). Узган шимбәдә Казанның Җиңү Проспекты буенча урнашкан бер банкоматны шартлатканнар. Сак хезмәте вәкилләре килеп җиткәндә якын-тирәдә 500, 1000 сумлык акчалар аунап яткан.

Бер көн алдан шундый ук хәл Чистайда да булган. Билгесез кешеләр сәгать заводына керү мәйданында урнашкан банкоматны шартлатканнар. Тик банк җиһазы шартлауга чыдаган һәм акчалар үз урынында калган.

Банкоматны ватып, акча алу Балтач районыннан башланган иде. Ураза гаете көнне, Чепья авылында урнашкан «Россельхозбанк» банкоматын талаганнар иде, дип белдерә шушы районның “Хезмәт”басмасы.