Мотоциклчы һәлак булган

 (Казан, 8 май, “Татар-информ”). 7 май көнне сәгать төнге 10да Югары Ослан районы Олы Мәми авылыннан Казан – Ульяновск юлына таба 1 чакрым арада ян арбалы “Урал” мотоциклында барган 1985 елгы ир-егет каршы як юлга чыгып, юлдан төшеп капланган.

ТР буенча ЭЭМның ЮХИДИ идарәсеннән алынган мәгълүмат буенча, ул юл йөрү кагыйдәләренең берничә пунктын бозган дип фаразлана: шлемсыз, идарә итүгә хокуксыз килеш теркәлү номеры булмаган мотоцикл рулена утырган һәм югары тизлектә каршы як юлга чыккан.

Майның 8 көнендә Татарстанда транспорт һәлакәтендә 8 кеше һәлак булган, 79ы имгәнгән, җитди җәрәхәтләнгән.