Казанда бер ир-атны бәрдереп, юлда ташлап калдырган машина йөртүчене эзлиләр

Нәтиҗәдә, җәяүленең ике яктан да кабыргалары сынган.

(Казан, 8 апрель, «Татар-информ», Павел Климчак). Сишәмбе көнне, 6 апрельдә, билгесез машина йөртүче 56 яшьлек ир-атны бәрдергән һәм авария урыныннан качып киткән.

Шәһәр Дәүләт автоинспекциясеннән «Татар-информ» агентлыгына хәбәр итүләренчә, юл һәлакәте кичке алтыда Лесная урамындагы 16нчы йорт каршында булган. Биредә юл читеннән барган ир-атны билгесез машина йөртүче бәрдергән. Шуннан соң ул зыян күргән җәяүлене юлда калдырып китеп барган.

Нәтиҗәдә, ир-атның ике яктан да кабыргалары сынган. Казан шәһәре Дәүләт автоинспекциясеннән «Татар-информ» агентлыгына хәбәр итүләренчә, аны хастаханәгә озатканнар.

ЮХИДИ идарәсендә әлеге аварияне күрүчеләр булса, 5-333-819, 5-333-848 телефоннары буенча хәбәр итүләрен сорыйлар.