Татарстанда Чулман елгасы аша кичүдә фура боз астына киткән
Әлеге боз кичүендә массасы 3,5 тоннадан артмаган машиналарга йөрергә рөхсәт ителә, ә фураның якынча авырлыгы – 35 тонна. Бу урында хәрәкәт вакытлыча туктатылган.
(Казан, 8 гыйнвар, «Татар-информ», Полина Шевчук). Бүген төнлә Мамадыш районында Кама аша боз кичүендә фура өлешчә боз астына киткән.
Йөк машинасы Яңа Кама Аръягы авылы янында ярдан 50 метр ераклыкта бәлагә тарыган. Шунысын да билгеләп үтәргә кирәк, әлеге боз кичүендә массасы 3,5 тоннадан артмаган машиналарга йөрергә рөхсәт ителә, ә фураның якынча авырлыгы – 35 тонна. Бу хакта «Татар-информ»га Россия ГТХМ ТР буенча баш идарәсе матбугат хезмәтендә сөйләделәр.
Беркем дә зыян күрмәгән, әмма һәлакәт аркасында боз кичүе аша хәрәкәт вакытлыча туктатылган.
