Яңа Чишмә районында агач йортта янгында 64 яшьлек ир-ат һәлак булган

Һәлак булган кеше мәетен янгын сүндерүчеләр янган йорт конструкциясен аралаган вакытта табып ала.

(Казан, 8 гыйнвар, «Татар-информ»). Яңа Чишмәдә агач йортта янгында 64 яшьлек ир-ат һәлак булган. Бу хакта «Татар-информ» мәгълүмат агентлыгына ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.

18.20 сәгатьтә янгын турында хәбәр кичә бердәм ашыгыч хезмәтләрне чакыру 112 номерына килгән. Шалтыратучы Яңа Чишмә авылының Попов урамында шәхси йорт януын аңлаткан.

15 минуттан соң янгын сүндерелгән. Янгын сүндерүчеләр 64 яшьлек ир-ат мәетенә тап булган.

Янгын чыгу сәбәпләрен тикшерүчеләр билгеләячәк.