Лаеш районында авариядә унбиш яшьлек кыз һәм дүрт олы кеше зыян күргән
Казан — Оренбург трассасында Егорьево авылы янында ике «Шкода Рапид» кара-каршы бәрелешкән.
Скопировать ссылку
(Казан, 8 гыйнвар, «Татар-информ»). Лаеш районында авариядә унбиш яшьлек кыз һәм дүрт олы кеше зыян күргән. Бу хакта «Татар-информ» мәгълүмат агентлыгына авария шаһитлары хәбәр итте.
Шаһитлар мәгълүматларына караганда, Казан — Оренбург трассасында Егорьево авылы янында ике «Шкода Рапид» кара-каршы бәрелешкән.
Авариядә мәктәп укучысы һәм дүрт өлкән кеше төрле тән җәрәхәтләре алган. Зыян күрүчеләрнең барысына да медицина ярдәме күрсәтелгән.
