Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда яшәүче әби мошенникларга миллион сум акчасын күчергән
Полиция ачыклаганча, аферистларның номерлары Мәскәү, Санкт-Петербург һәм Смоленск шәһәрләрендә теркәлгән.
(Казан, 7 октябрь, «Татар-информ», Полина Шевчук). Чаллыда яшәүче әби мошенникларга миллион сум акчасын күчергән. Ул акчасын банк ячейкасына салам дип уйлаган. Бу турыда Татарстан буенча Эчке эшләр министрлыгы матбугат хезмәте хәбәр итә.
Автошәһәрдә яшәүче 70 яшьлек әби полициягә мөрәҗәгать иткән. Ул үзенә шалтыратучы хатын-кыз үзе белән банк хезмәткәре дип таныштыруын сөйләгән. Ул пенсионерны мошенниклар акчасын алырга тели һәм ашыгыч рәвештә банк ячейкасына салырга кирәк дип ышандырган. Бу эшне телефон буенча башкарып булуын аңлаткан.
Өлкән яшьтәге хатын-кыз шалтыраткан хатын күрсәтмәләрен тулысынча үтәгән һәм күрсәтелгән счетка миллион сум акча күчергән.
Ялган банк хезмәткәре пенсионерга акчалар ышанычлы урында булачак дип вәгъдә иткән һәм тагын күпме акчасы булуы белән кызыксынган. Әбинең 500 сумнан кимрәк акчасы калганын белгәч, ул акчага банкка кадәр таксида барырга киңәш иткән.
Билгеләнгән көндә әбинең счетына акча күчмәгән. Алданган әбигә тагын шалтыратканнар һәм ярты миллион кредит алырга тәкъдим иткәннәр. Шул вакытта пенсионер мошенниклар корбаны булганын аңлаган һәм полициягә мөрәҗәгать иткән.
«Мошенниклык» маддәсе буенча җинаять эше кузгатылган. Полиция ачыклаганча, аферистларның номерлары Мәскәү, Санкт-Петербург һәм Смоленск шәһәрләрендә теркәлгән.
Кызыклы яңалыкларны күзәтеп бару өчен Телеграм-каналга язылыгыз