420066, Казан, Декабристлар урамы, 2
“ТАТМЕДИА” акционерлык җәмгыяте
Кукмарада чит ил машинасы шоферы велосипедчыны бәрдергән
Юл һәлакәте Магистраль һәм Ф.Заһидуллин урамнары киселешендә булган.
(Казан, 7 июль, «Татар-информ», «Хезмәт даны», Эльвира Мөбарәкшина). Кукмарада чит ил машинасы шоферы велосипедчыны бәрдергән. Бу хакта районның ЮХИДИ бүлеге хәбәр итә дип яза район газетасы.
«4 июль көнне 21.00 сәгатьтә Магистраль урамы, 21нче йорт янында юл һәлакәте була. „Volkswagen Polo“ автомобиле йөртүчесе Кукмара шәһәренең Сөләйманова урамы ягыннан Ф.Заһидуллин урамына таба хәрәкәт иткән вакытта велосипедчыга юл бирми һәм бәрдерә», — диделәр дәүләт автоинспекциясендә.
Юл һәлакәте нәтиҗәсендә, велосипедчы төрле тән җәрәһәтләре белән район үзәк дәваханәсенә озатыла.