Чувашия татарлары автономиясе җитәкчесе Фәрит Гыйбатдинов вафат

Ул пневмония белән хастаханәдә ята иде.

(Казан, 7 июль, «Татар-информ», Рәмис Латыйпов). Чувашия татар милли-мәдәни мохтарияте җитәкчесе Фәрит Гыйбатдинов вафат. Бу хакта Канашта яшәүче Илдус Зәйнетдинов хәбәр итте.

Фәрит Гыйбатдинов 24 июньдә үпкә авыруы белән Чабаксар хастаханәсенә эләгүе хакында хәбәр иткән иде.

Чувашиядә яшәүче журналист Рәфис Җәмдихан 29 июнь көнне Гыйбатдиновка инфаркт булуы, үпкәсенең берсе 45, икенчесе 35 процентка зыян күрүе, әмма табибларның "исән калыр" дип фаразлауларын язды.