Чаллыда ир-ат унберенче каттан егылып төшеп үлгән

Минзәлә районында яшәүче 27 яшьлек ир-ат Чаллыга кунакка килгән булган.

(Казан, 7 март, «Татар-информ», Полина Шевчук). Чаллыда ир-ат простыня ярдәмендә 11нче каттан төшәргә омтылган, әмма тотынып ала алмыйча, егылып төшкән. Бу хакта «Челнинские известия» басмасы хәбәр итә.

Республиканың Минзәлә районында яшәүче 27 яшьлек ир-атның Чаллыга кунакка килүе ачыкланган. Дуслары табын оештырган, шуннан соң фатир хуҗасы йоклап киткән. Кунак урамга чыгарга карар кыла һәм фатир ачкычларын тапмый.Шуннан соң урын-җир япмаларын бәйләп, алар буенча 11нче каттан төшә башлый. Әмма ул тотынып кала алмый, егылып төшә.

Алынган җәрәхәтләрдән ул шунда ук үлгән.