news_header_top
16+
news_header_bot
news_top

Акчалар урлауда шикләнелүче “ТФБ Финанс” директоры кулга алынган

Беренчел исәпләүләр буенча, кертемчеләргә килгән зыян 90 миллион сумнан артык

(Казан, 7 февраль, «Татар-информ»). Кичә, 6 февральдә, Татарстан буенча Эчке эшләр министрлыгының Баш тикшерү идарәсе хезмәткәрләре ышанып идарәгә тапшырылган акчаларны урлауда шикләнелүче «ТФБ Финанс» директоры кулга алынган, дип хәбәр итте «Татар-информ» мәгълүмат агентлыгына Татарстан буенча Эчке эшләр министрлыгының матбугат хезмәте.

Оешманың офисында тентү үткәрелгән, бик күп документлар кулга алынган. Барлык докуметрларны тикшерүчеләр өйрәнә.

Искәртеп узабыз, Моңа кадәр «Татар–информ» акча урлау турындагы гаризалар нигезендә «ТФБ Финанс»ка карата « Аеруча зур күләмдәге мошенниклык» матдәсе буенча җинаять эше кузгатылу турында хәбәр иткән иде.

Беренчел исәпләүләр буенча, кертемчеләргә килгән зыян күләме 90 миллион сумнан артык. Бүгенге көндә Татарстанның эчке эшләр органнарына акча урлау турында 100дән артык гариза алынган.
 

news_right_1
news_right_2
news_bot