Түбән Кама районындагы авариядә бер кеше һәлак булган һәм дүртесе зыян күргән

Түбән Кама ягына бара торган юлда «җиделе» һәм «Шкода» машиналары бәрелешкән.

(Казан, 6 октябрь, «Татар-информ»). Түбән Кама районындагы авариядә бер кеше һәлак булган һәм дүртесе зыян күргән. Бу хакта «Татар-информ»га шаһитлар хәбәр итте.

«Районда сәгать унберләр тирәсендә Кама Аланы ягыннан Түбән Кама ягына таба бара торган трассада «җиделе» һәм «Шкода» машиналары бәрелешкән», – дип сөйләде шаһитлар.

Авария нәтиҗәсендә, «җиделе» автомобилендә булган хатын-кыз үлгән, тагын ике кеше зыян күргән. Иномаркада шулай ук ике зыян күрүче бар.

Урында ашыгыч хезмәтләр экипажлары эшли.