М7 трассасында дүрт машина белән авариядә бер кеше һәлак булган, бер кеше имгәнгән
Шаһитлар әйтүенчә, Kia Rio автомобиле йөртүчесе исерек булган һәм һәлакәт урыныннан качып киткән.
Скопировать ссылку
(Казан, 6 июнь, «Татар-информ», Павел Климчак). Кичә Алабуга районында М7 федераль трассасында берничә машина катнашында авария булган.
Бу хакта «Татар-информ»га шаһитлар хәбәр итте.
Шаһитлар сөйләвенчә, юл-транспорт фаҗигасе 12 нче модельле «Лада», «Лада Гранта», Kia Rio һәм йөк машинасы катнашында булган. Көчле бәрелүдән җиңел машиналарның корпусы җимерелгән.
Авариядә 12 нче модельле «Лада» йөртүчесе һәлак булган, ә аның машинасындагы пассажир төрле җәрәхәтләр алган.
Шаһитлар әйтүенчә, Kia Rio автомобиле йөртүчесе исерек булган һәм һәлакәт урыныннан качып киткән. Калган шоферлар зыян күрмәгән.
