Казанда 6 яшьлек кыз бала җиденче кат тәрәзәсеннән егылып төшеп үлгән

Фаҗига бүген иртән Коләхмәтов урамындагы йортларның берсендә булган.

(Казан, 6 май, «Татар-информ», Елена Сәлахова). Казанда җиденче кат тәрәзәсеннән егылып төшкән алты яшьлек кыз бала һәлак булган. Бу хакта «Татар-информ»га үз чыганагы хәбәр итте.

Фаҗига бүген иртән Коләхмәтов урамындагы тугыз катлы йортларның берсендә булган.

Чыганак мәгълүматлары буенча, бала өйдә ялгыз, өлкәннәрдән башка калган булган. Бер мизгелдә кыз тәрәзә янына килгән. Тәрәзә ачык булган, бала аннан егылып төшкән.

Хәзерге вакытта фаҗиганең барлык сәбәпләре һәм шартлары ачыклана.